Läbe & Tod, by Don Friso (2024)

1.

#VERSEVelecht werd's mer nie glenge, das wonech wohrnemeMet de rechtige Mettel i sone Form z'brengeWo der cha zeige, wie mini Auge dech onfassbar schön gsähndDrom, falls ech scheitere, denn bitte glaub merEch ha alles deför gä#VERSEWell di riichst Ästhetik, wo mini Auge je hend dörfe gsehEsch ond blibt es Beldnis vonere Frau, wonech so höch verehr'För mech de Enbegreff vo EleganzEri Usstrahlig esch schemmernder als Perle-GlanzE Grazie, drom schwengt si met in ResonanzEch hoffe, si gseht in sech de Ehre-Tanz#CHORUSHesch d'Schönheit erbleckt?Was esch Schönheit för dech?Hesch d'Schönheit erbleckt?Was esch Schönheit för dech?#VERSEEch gseh', dass sie sennbeldlech esch för di gröscht LäbensfreudWell si en sech di schönst Essänz verstreutEch ha mini eiget Schönheit ewigs ned gseHa gmeint, ech entspreche de Kriterie nedDebi esch jedi Läbensform voll devoEch ha nome mini Auge sälte offe ghaEs get so vell Usdrocksforme, wähl' der eifach eini usZom Bispell das Beld uf dem Cover, well ech sie am meiste bestuun'Du#CHORUSHesch d'Schönheit erbleckt?Gsehsch du d'Schönheit i der?Hesch d'Schönheit erbleckt?Gsehsch du d'Schönheit i der?

2.

Fendsch du a mer Gfalle, wenn ech dech festhebe?Wenn ech so fest chlammereDass du dech nömme chasch frei bewege?Gniessisch mini Gägewart, wenn ech so uf dech fixiert be?Ech nemm' dech so gärn in ArmOnd ech hoffe, de Momänt sterbt nie mehDu ghörsch mech säge, dass ech dech öber alles liebeAber gspörsch nor besässni, verwerrti ond verchrampfti BemüehigeEch bruch dech om jede Priis, jederzit, well mer söscht öbis fähltWetsch met mer zäme siWär das din Wonsch bes as Änd vo üsne Täg?Obwohl, wenn ech so vorgohD'Chance, wo mer bevorstohtJo offesechtlech z'Tod schlohVerstoh' ech ned, dass nor voVorteil esch, mol zrogg stohVertroue ond loslohObwohl, wenn ech so vorgohD'Chance, wo mer bevorstohtOffesechtlech met aller Chraft, wonech haMet de beschte Absechte grad z'Tod schlohDe gröscht Schrett wonech cha macheDe esch eine röckwärtsS' Schwerigste wo's get esch eifach PauseWenn ech mein', es esch prekärSo wechtig, dass ech eifach alles deför ondernemeOnd so onentbehrlechKei Ufwand, egal wie starch, esch öbertrebeEs esch nie gnuegWie chan ech eifach tatelos denäbe stoh?Wenn mis Ein ond Alles mine Wäg verloht?Ech stosses ab ond schaffe DrockEgal was ech versuechEch mache alles, aber losloh ghört ned dezueWieso?Obwohl, wenn ech so vorgohD'Chance, wo mer bevorstohtJo offesechtlech z'Tod schlohVerstoh' ech ned, dass nor voVorteil esch, mol zrogg stohVertroue ond loslohWenn ech dech werklech wörd liebeWär dis Empfende wechtigerAls dass ech mis eignige met dinere Helf stimuliereEch nenn' das FörsorglechkeitOnd s'gröschte Glöck, wemmer's teiltDoch henderäne treit sech's dör fählendi ÖberzügtheitVo mer oder vo derOder dass mer ned förenand gmeint sendDebi hätt ech mech gschider emol glöst, dass' Freiheit getOnd ech glaube, das stemmt ned nor för MetmönscheSondern för jede Augebleck wonech mer werd wönscheWell wenn Mönsche scho ke Freud hendAm verchrampfte EchWieso sött denn ergendöbis a dem Gfalle gseh?So wie Gsondheit, Zfredeheit, Erfolg ond soEch gseh ke Grond, dass eis vo dene uf das Bock bechondOder stell der vor, du besch e sone GlöcksmomäntWördsch met mer hängeObwohl ech better be vo Trennigsängst?Obwohl, wenn ech so vorgohD'Chance, wo mer bevorstohtJo offesechtlech z'Tod schlohVerstoh' ech ned, dass nor voVorteil esch, mol zrogg stohVertroue ond loslohObwohl, wenn ech so vorgohD'Chance, wo mer bevorstohtVöllig offesechtlech z'Tod schlohOoh, verstoh' ech ned, dass nor voVorteil esch, mol zrogg z'stohVertroue ond losloh

3.

Ech red' mer i, dass ech ke Schlof brucheBi Cherzeschiin ond metem offne DudenSetz' ech jetz do ond fende ke RotschlagOnder allne WörterKe Selbe, wo stoht ke gschrebnigi SprochKe Satz verchörzt merDi Warteziit bes dass es de Sandma klärt,Ech schalte höcher, takte öber em gwohnte Standart-WärtDe Morge nöcher, d'Wolke röter doch di Batterie läärtSech ned im Grengste, ech verbrengeD'Nacht met Energie gnährtS Läbe esch choOnd hed a mini Tör klopftEch weiss ned, wiesoAber ech ha ufgmachtOnd ech ha no so gseitFühl dech ganz wie dehäiOnd jetzt macht's es sech breitE Gruess vom s'LäbeE Gruess vom s'LäbeWo no lang ned erschöpft eschIm GägeteilEs packt mech ond löpft mechI onerreichtiDachstöck ond EstrechWo si mer zeigt,Wie d' Chraft sech z'erkönne getOnd di eigne Abgrönd en Quelle sendWell si mech hypedOnd z'_Nacht hött id' Quere drengtWell wenn d'UrteilUs-chlamm'risch hed jedes DengAu wenn met LeidBehaftet no emmer enBegleitendi Macht wo id' Bresche sprengtOnd mech zo Stei- ond Bärgmasse versetze brengtEch wett mech bedanke ond schätz'es extremDoch chammer's abschalte, wenn's eim emol fendt?S Läbe esch choOnd hed a mini Tör klopftEch weiss ned, wiesoAber ech ha ufgmachtOnd ech ha no so gseitFühl dech ganz wie dehäiOnd jetzt macht's es sech breitUf de Couch ond verteiltSo vell Passion ond ReizDass ech's _fast ned verträi'Dass ech fast ned gnueg demet az'rechte weissOnd noch sebe Nächt wos i mer läbtHock' ech am Fänster au nömm ufrächtStötze mini Stern im kondensierte WasserGhöre mini Stemm am Morge am Vieri klarerAls jetzt dör das MikrophonDas esch nor e Schrett wo's brucht, damet ech wiiterchom'Ond Au wenn ech grad uf em Zahnfleisch laufeMet Augereng ond trochnem Hals ond rote AugeAbekämpft wines RennpferdWas dänksch, uf weles ech wiiterhen wette wörd?Well hött ben ech öberzügt vom Dude namens FrisoEch ha öber 30 Johr brucht zom das igestohIde Angst, du meinsch, ech handle als NarzestDebi tracht' ech z'erreiche, dass du's vo der au beschEs chäm' mer kei Grond i Senn, dass du's ned wärschWell s'Läbe säiht ond hed sech dech userwähltDrom fliesst dör dech no vell meh als das alles wod' bruchschOnd wenn's mol ned gsesch, denn mach d'Auge uf!S Läbe esch choOnd hed a dini Tör klopftDu weisch ned, wiesoAber du hesch ufgmachtOnd falls du ehm seischFühl dech ganz wie dehäiDenn hesch niemeh Angst, sigsch elei

4.

04:06

#INTRODuu duu dududuu#VERSEWer A seid, muess au B sägeD'Mönze, wo Zahl zeigt, esch grad uf em Gsecht glägeWo si ufem Trottoir heimlifeiss i mer entgäge gfonklet hedEch offebar uf de HeireisI Gedanke versonke ned gmerktDass jedi strahlende no so lachende Stonde verstecktMech met de grausamste Befonde vernetztEs esch inhärent i erne Gwänd ech has glich verdrängtNoch dere Schiibe glängt, vo erem Schiin bezähmtFörne chliine MomäntMech lo triibe, ned bedänktDass d' Hendersiite mech bedrängtZwor ned grad jetzt, aber ech be ned wiit devo entfärntDas esch jo s'Perfiide wo sech denn räächtOnd glichNemi si uf ond freu' mech öber eri VorteilGebe si us probier' ned z'bereue, falls si sech omdreihtErneutOnd ab de hässleche FratzeMini Tröim wie Seifeblose vertätsched ond platzed#CHORUSEs get nor 'Ond' ond kes 'Oder'Tuen' ech so, als wär ech GottOder was esch met mer los?Ke Grond, öberzoge z'si, dass Rosinepecke gohtDoch velecht wartet s'grosse Los#VERSES Konzept 'Ond' esch's, wo mech störtEch cha ned akzeptiere, dass bi jedem FlogDe Grond onder mech sech ned uflöstDrom sorg' ech för no meh UsflögMöglechst no längeri ond wiiteri(ond höcheri)Ke Angst, ech ha gnueg Kerosin debi, drom stiig bi mer iEs goht gli los ond mer lesed de Roman in YucatanZiellos, ohni Plan, chom ech lueg' spontanEch fühl's grad, well ech so cool be?Vertrou' mer, ech be gnau so schüüch winech au usgsehD'Lüg wo mer de Muet getDe Bode z'vergässe, det onder de NäbleAber ech flüg' nor metem UfwendVode bsond're BegäbeheiteWenn ech s 'Ond' z'bewältige ond z'verneine meistere#CHORUSEs get nor 'Ond' ond kes 'Oder'Tuen' ech so, als wär ech GottOder was esch met mer los?Ke Grond, öberzoge z'si, dass Rosinepecke gohtDoch velecht wartet s'grosse Los#CHORUSEs get nor 'Ond' ond kes 'Oder'Tuen' ech so, als wär ech GottOder was esch met mer los?Ke Grond, öberzoge z'siDass Rosinepecke gohtOder was esch met mer los?#BRIDGED Pointe esch, s grosse Los esch scho lang doEs verchleidet sech bloss inere andere Form als agnoEs liit weder ide Abfendig, dass alles Schattesiite bsetztNo ide Fahrtrechtig, wo sech allne Makel wiichend ergetSondern es esch d'Fähigkeit, s'gsamte Zämespel z'erkönne#BRIDGEWo sech perfekt vereint ondDör die Spannigsfälder jo erst cha schöpfeÀ pros pos PerfektDas Lied esch s'Einzige woni cha bieteZom chönne de Zuestand wonech meineSo einigermasse z'beschriebeEch ha ne damals gschrebe, i zwe sältnige AugebleckeWonech ha chönne alles klar verbendeOnd die Zämehäng erleckeMängisch chomi weder dri, aber meistens ben ech voll verloreWäri während dem Lied drenne gsi#OUTROEs get kes 'Ond' ond kes 'Oder'Du ond ech send bedi Gott, also was esch met üs los?Ke Grond, sech als Opfer z'gsehOnd falls ech üs emol verlohDenn hoff' ech, s'Lied do holt mech zrogg

5.

#INTROEch be TodOder was esch Tod?(Redemer öber de Tod)S'Ändi vom Läbe?(Redemer öber de Tod)Das glaubi ned(Redemer öber de Tod)S'Ändi vo dim Läbe?#VERSEChond drufa, wi dis Läbe definierschEsch's e FleischchlotzWo'd dör d'Gägend omeziesch ond omeschleppsch?Vo paar Närve dirigiertMoskle ond FettZäme arrangiert ofemne Skelett?Denn jo!Aber was, wenn dis Läbe länger duurt als dasOnd dini Gränze öber d'Huut useragt?Bestosch us Wälle wod' i Ruum usestrahlsch?Us Energie, ned gfange i Huut ond ChnocheWo resoniered met anderne Usdrocksforme?Wo sech verbendet imne Fäld vo VibesOnd zäme schwenged id Onändlechkeit#PRE-CHORUSWell was mer agstosse händ, schwengt för emmer wiiterKe Angst, üsi Grond-Essänz fendt' es Gsecht zom SchiineAls Mönsch, als Tier, oder lesisch's im Buech vo mornTreffsch das Gschöpf, oder nie, oder esischs als Bluemechohl#CHORUSDrom ben ech TodEch be Läbe, ech be TodTräge all die Öberräschte i mer fortRedemer öber de TodRedemer öber de TodRedemer öber de Tod#VERSEEch könn' e Person, wo de Tod ereilt hedWo während es paar Stonde de Ort erläbt hedWo d'Seele bim Dorchzog d'Brogg beträttedDoch statt en Abflog hed si sech zrogg bim StärbebettOnder di Läbige gsetztÖber d'Erläbnisse gredt'Ond si hed gseit: Du fühlsch dech wieLiecht!Liecht wiene FädereOnd s'LiechtS'Liecht schiint entgäge de Erwartig wo verbreitet eschAber wieso?Das macht doch Senn, eigentlech?Wieso chömemer au druf, es chönnt' anderst si?Wieso gömmer devo us, es wär Qual debi?Jedes Gfühl, wo de Erhalt vo üsem Chreislauf suechtUf de physisch Form ond Gstalt vom Mönsch in Einklang fuesstWo zo Blüeteziit, Verfall ond jedere Eigeschaft luegtJedes natürleche Verhalte tud doch eifach guet?Well was send Empfendige bem Lendere vo Schmärze?Was esch befrendigender als Trenke ond ÄsseWenn Dorst oder Honger gspörsch?Oder dech entlääre, wenn de Drock uf de Blose stört?Wenn nochere asträngende Woche s'Ischlofe glöcktNochem Gebäre s'Neugeborne ufem Schoss met KössÖbersäisch voller Glöck omedreisch#BRIDGEWas get's schöners?Gspörsches?Besch im Ruef uf de Spur?Loh dech erlöse, versöhneVo Mueter NaturWas get's schöners?(Ech be Tod)Gspörsches?(Ech be Tod)Besch im Ruef uf de Spur?(Ech be Tod)(Ech be Tod)Loh dech erlöse(Ech be Läbe, ech be TodTräge all die Öberräschte i mer fort)Versöhne(Ech be Läbe, ech be TodTräge all die Öberräschte i mer fort)Vo Mueter Natur#OUTROEs get nor wenigWo de Mönsch weniger dröber verstohtOnd drom generell ghörig omgohtOnd obwohl's jede mol nöchstens ifohtEsch's nor s'lästige Böse wo drohtWo eim ide Regel ontröschtlech erschlohtOnd denn, wenn mer's ergröndet ond frogtEsch's eventuell döre ond z'spotDrom nämemer üs jetzt Zit ondRedemer öber de Tod